Azərbaycan, Bakı, 4 may /Trend, müxbir A.Axundov/
Azərbaycan Mərkəzi Bankı (AMB) kollektor agenliklərinin yaradılmasını dəstəkləyir və institutun ölkədə inkişafını zəruri hesab edir. Bu barədə Trend-ə şənbə günü açıqlamasında AMB baş direktoru Rəşad Orucov bildirib.
"Mən hesab edirəm ki, bu maliyyə infrastrukturu üçün çox vacib institutdur və bu institut inkişaf edərsə, yaxşı olacaq. Hazırda bir neçə belə təşkilat var. Hələlik onların vəziyyətə necə təsir etmələrini qiymətləndirmək çox tezdir, lakin ümumilikdə, bu banklara keyfiyyətsiz aktivlər məsələni həll etməyə daha əhəmiyyətli dərəcədə kömək edəcək", -Orucov bildirib.
Onun sözlərinə görə, hazırda yerli bazarda belə agentliklərin yaradılması tendensiyası müşahidə olunur.
"Bizdə kollektor təşkilatlarının işini nizama salan xüsusi qanunvericilik bazası yoxdur. O, ümumi qanunvericiliklə tənzimlənir", - Orucov bildirib.
