Azərbaycan, Bakı, 13 iyun /Trend, müxbir E.İsmaylov/
Bakı-Tbilisi-Qars dəmiryolu xətti 2014-cü ilin sonuna kimi tam istifadəyə veriləcək.
Trend-in məlumatına görə, bu barədə cümə axşamı jurnalistlərə açıqlamasında "Azərbaycan Dəmir Yolları" QSC-nin rəhbərinin müavini Qurban Nəzirov bildirib:
"Hazırda layihə çərçivəsində bütün işlər nəzərdə tutulan qrafik üzrə aparılır və 2013-cü ilin sonuna kimi tikinti işlərinin tamamilə bitirilməsi nəzərdə tutulub. 2014-cü il ərzində isə təşkilatı işlər və inzibati məsələlər həll olunacaq".
Nəzirov layihənin həyata keçirilməsində kiçik ləngimələri Gürcüstan-Türkiyə sərhədində tunel tikintisi zamanı bir sıra texniki və inzibati məsələlərin həll edilməsi ilə izah edib.