...

Dövlət Xəzər Dəniz Gəmiçiliyi yükdaşımaların 15 faiz artacağını gözləyir

Biznes və iqtisadiyyat xəbərləri Materials 6 İyul 2013 16:28 (UTC +04:00)

Trend-i buradan izləyin

Azərbaycan, Bakı, 6 iyul /Trend, müxbir E.İsmayılov/

Azərbaycan Respublikası Dövlət Xəzər Dəniz Gəmiçiliyi (ARDXDG) ay ərzində yükdaşımaların həcmində 15 faiz artım gözləyir. Bu barədə şənbə günü jurnalistlərə ARDXDG-nin rəisi Aydın Bəşirov deyib.

Onun sözlərinə görə, 2013-cü ilin I yarısının nəticələrinə əsasən, yakdaşımaların həcmi ötən ilin göstəricisi ilə eyni səviyyədədir və artımın olmaması neft yükləri nəqlinin həcminin cüzi azalması ilə bağlıdır.

Ötən ilin I yarısında Gəmiçilik 2011-ci ilin müvafiq göstəricisi ilə müqayisədə yükdaşımaları 6 faiz artırıb.

2012-ci ilin yanvar-iyun aylarında ARDXDG-nin gəmiləri vasitəsilə 6,525 milyon ton yük daşınıb, bu həcmdən 4,015 milyon ton tanker daşımalarının, 2,015 milyon ton bərə daşımalarının, 0,495 milyon ton isə digər gəmi daşımalarının payına düşüb.

Bəşirov bildirib: "Lakin yaxın vaxtlarda neft məhsullarının yükdaşıma həcminin artırılması proqnozlaşdırılır ki, bu da ARDXDG-nin nəql etdiyi yüklərin ümumi həcminə müsbət təsir edəcək".

Məqalədə:
Xəbər lenti

Xəbər lenti