...

Azərbaycanda ilk özəl kredit bürosu üçün texniki tərəfdaş artıq payızda müəyyənləşə bilər

Biznes və iqtisadiyyat xəbərləri Materials 11 İyul 2013 14:09 (UTC +04:00)

Trend-i buradan izləyin

Azərbaycan, Bakı, 11 iyul /Trend, müxbir E.Əliyev/

Azərbaycanda yaradılan ilk Özəl Kredit Bürosunun İcraiyyə Komitəsi iyulun 15-də texniki tərəfdaşlıq xidmətləri təklif etmiş şirkətlərə RFI (Request for Information) göndərəcək. Bu barədə cümə axşamı Trend-ə Beynəlxalq Maliyyə Korporasiyasının (IFC) Mərkəzi Asiya və Azərbaycanda maliyyə infrastrukturunun möhkəmləndirilməsi layihəsinin əlaqələndiricisi Teymur Heybətov deyib.

Heybətov bildirib ki, dünən İcraiyyə Komitəsinin iclasında RFI-ın forması təsdiq edilib: "Forma Azərbaycanda yaradılan Kredit Bürosu üçün texniki tərəfdaş qismində öz xidmətlərini təklif etmiş və müvafiq tələblərə cavab verən 6 şirkətə göndəriləcək".

Onun sözlərinə görə, potensial səhmdarlar bu şirkətlərin təkliflərini sentyabrın ortalarında əldə etməyi gözləyir.

Heybətov qeyd edib ki, təkliflərin qiymətləndirilməsi daha 1 ay vaxt aparacaq: "Biz texniki tərəfdaşın oktyabrın 15-də müəyyənləşəcəyini gözləyirik".

Heybətovun sözlərinə görə, İtaliya, Türkiyə, Cənubi Koreya, Sinqapur, İspaniya və Almaniyanı təmsil edən bur şirkətlər özəl kredit bürolarının idarə edilməsi üzrə təcrübəyə malikdirlər.

Məqalədə:
Xəbər lenti

Xəbər lenti