...

Azərbaycanda haqsız rəqabət hallarının qarşısı alınıb

Biznes və iqtisadiyyat xəbərləri Materials 12 Avqust 2013 17:05
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən aparılan yoxlama zamanı markalanmasında düzgün olmayan məlumatlar verilməklə istehlakçıların çaşdırılmasına səbəb olan süd məhsullarının istehsal edildiyi müəyyən edilib.
Azərbaycanda haqsız rəqabət hallarının qarşısı alınıb

Trend-i buradan izləyin

Azərbaycan, Bakı, 12 avqust /Trend/

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən aparılan yoxlama zamanı markalanmasında düzgün olmayan məlumatlar verilməklə istehlakçıların çaşdırılmasına səbəb olan süd məhsullarının istehsal edildiyi müəyyən edilib. Bu barədə bazar ertəsi Trend-ə İqtisadi İnkişaf Nazirliyindən daxil olan məlumatda deyilir.

Məlumatda deyilir ki, Bakı şəhəri, Binəqədi rayonu, M.Rəsulzadə qəsəbəsində fəaliyyət göstərən fiziki şəxs Həsənov Dəyanət Cəfər oğluna məxsus istehsalat sahəsində 18%-li şorun və 6%-li qatığın gigiyenik və uyğunluq sertifikatları olmadan istehsal edildiyi, habelə ayran, dovğa və xama məhsullarının saxlama müddətinin normativ sənədlərdə müəyyənləşdirilmiş müddətdən artıq göstərildiyi aşkar edilib. Bundan başqa, istehsal olunmuş süd məhsullarının İsmayıllı rayonunun İvanovka kəndi ilə bağlılığı olmadığı halda, həmin məhsulların markalanmasında qanunsuz olaraq "İvanovka" coğrafi adından istifadə edildiyi müəyyən edilib.

Haqsız rəqabətə yol verdiyinə görə Dövlət Xidməti tərəfindən fiziki şəxs Həsənov Dəyanət Cəfər oğlu barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.

Məqalədə:
Xəbər lenti

Xəbər lenti