Azərbaycan, Bakı, 17 avqust /Trend, müxbir E. Əliyev/
Cari ilin yanvar-iyul aylarında Azərbaycanda 326 minik avtomobili istehsal olunub ki, bu da 2012-ci ilin analoji dövründə qeydə alınan göstəricidən 3,4 dəfə artıqdır. Trend-in məlumatına görə, bu barədə Dövlət Ыtatistika Komitəsinin hesabatında bildirilir.
Hesabatda qeyd olunur ki, yanvar-iyul aylarında respublikada 147 yük maşını istehsal olunub. Bu da ötən ilin analoji dövründə qeydə alınan göstəricidən 72,9 faiz çoxdur.
Minik və yük maşınları istehsalında olan artıma baxmayaraq, yanvar-iyul aylarında traktor istehsalında azalma müşahidə olunub. Belə ki, hesabat dövründə ölkədə 415 traktor istehsal edilib. Bu da 2012-ci ilin yanvar-iyul aylarında qeydə alınan göstəricidən 22,6 faiz aşağıdır.
