Azərbaycan, Bakı, 11 oktyabr /Trend, müxbir E.Əliyev/
2013-cü ilin yanvar-sentyabr aylarında Azərbaycanda 88 500 yeni iş yeri yaradılıb. Bu barədə cümə günü Trend-ə İqtisadi İnkişaf Nazirliyindən məlumat veriblər.
Nazirlikdən qeyd ediblər ki, sahibkarlığın inkişafı ölkədə yürüdülən iqtisadi siyasətin prioritet istiqamətlərindən biri oldu:
"Belə ki, iş mühitinin yaxşılaşdırılması məqsədi ilə qanunvericilik təkmilləşdirilir, inzibati prosedurlar sadələşdirilir və şəffaf mexanizmlər tətbiq edilir. Hazırda dövlət orqanları 426 elektron xidmət növü göstərirlər. "ASAN xidmət"in fəaliyyətinin inkişafı da ölkədə sahibkarlığın irəliləməsinə töhfə verir. Azərbaycanın sosial-iqtisadi inkişafı strategiyasının əsas məqsədi qismində müəyyənləşdirilən əhalinin həyat səviyyəsinin artırılmasına və insan kapitalının inkişafına istiqamətlənmiş tədbirlər davam edir".
2013-cü ilin yanvar-sentyabr aylarında əhalinin gəlirləri ötən ilin müvafiq dövrü ilə müqayisədə 7,6 faiz artaraq 25,4 milyard manat təşkil edib. Orta əməkhaqqı 417 manata çatıb ki, bu da ötən ilin analoji dövrünün göstəricisindən 7,4 faiz çoxdur.
