Azərbaycan, Bakı, 2 dekabr /Trend, müxbir A.Axundov/
Özəl kredit bürolarının fəaliyyətini tənzimləyəcək qanun layihəsi artıq növbəti yaz sessiyasında Milli Məclisdə müzakirəyə çıxarıla bilər. Trend-in məlumatına görə, bu barədə Azərbaycan Mərkəzi Bankının (AMB) baş direktoru Rəşad Orucov bildirib.
O, ilk özəl kredit bürosunun gələn ildən fəaliyyət göstərəcəyinə ümidini ifadə edib.
Azərbaycanda yaradılması nəzərdə tutulan ilk özəl kredit bürosunun potensial səhmdarları Access Bank, AGBank, Azərbaycan Sənaye Bankı, Bank Respublika, Dəmir Bank, Muganbank, PAŞA Bank, Turan Bank, Yapı Kredit Bank Azerbaijan və UniBank-dır.