Azərbaycan, Bakı, 13 yanvar /Trend, müxbir E.Əliyev/
2014-cü ilin iyun ayında Rusiya Federasiyasının Kalininqrad şəhərində "Kalininqrad vilayətinin tərəfdaş regionları" adlı VI Beynəlxalq Forum keçiriləcək. Trend-in məlumatına görə, bu barədə bazar ertəsi Azərbaycanda İxracın və İnvestisiyaların Təşviqi Fondunun (AZPROMO) saytında yerləşdirilmiş məlumatda deyilir.
Məlumata görə, forum iştirakçılarına birgə layihələrin reallaşdırılması sahəsində təcrübə mübadiləsi, eləcə də Avropa proqramları çərçivəsində layihələrin həyata keçirilməsi imkanları, tərəfdaşlıq əlaqələrinin qurulması planları təqdim olunacaq. Tədbirdə regionda əməkdaşlığın perspektivləri və mümkün alətlərinin müzakirə olunması nəzərdə tutulub.
Məlumatda deyilir: "Azərbaycanlı sahibkarlar tədbirdə iştiraka dəvət olunurlar".
Tədbirlə əlaqədar ətraflı məlumat üçün aşağıdakı ünvanlara müraciət etmək olar:
Tel: +74012 59 00 82, fax: +74012 599084
e-mail: [email protected]
