Azərbaycan, Bakı, 4 fevral /Trend, müxbir A.Axundov/
Qiymətli Kağızlar üzrə Dövlət Komitəsi (QKDK) "Kapital Bank" ASC-nin 70 milyon manat həcmində adi, sənədsiz, adlı səhmlərinin emissiya prospektini qeydiyyata alıb.
Trend-in QKDK-ya istinadən verdiyi məlumata görə, emissiya çərçivəsində hər birinin nominal dəyəri 10 manat olan 7 milyon səhm buraxılacaq.
Emissiyanın yerləşdirilməsi nəticəsində bankın nizamnamə kapitalı 150 milyon manata çatacaq ki, bu da Azərbaycan Mərkəzi Bankının 2014-cü ilin sonuna bankların məcmu kapitalının minimum həcminə qarşı olan yeni tələblərini 3 dəfə üstələyir.