...

Bakıda nəqliyyat kartlarının tətbiqi genişləndirilir

Biznes və iqtisadiyyat xəbərləri Materials 3 Aprel 2014 16:02 (UTC +04:00)

Trend-i buradan izləyin

Azərbaycan, Bakı, 3 aprel /Trend, müxbir E.İsmayılov/

Yaya qədər Bakıda ictimai nəqliyyatda ödəniş kartları sisteminə cəlb ediləcək marşrutların sayı 70-ə çatacaq. Bunu Trend-ə Nəqliyyat Nazirliyinin İctimaiyyətlə əlaqələr şöbəsinin müdiri Namiq Həsənov deyib.

Onun sözlərinə görə, hazırda kart ödəniş sistemi təqribən 750 avtobusu əhatə edən 40 marşrutda tətbiq edilir.

Hazırda paytaxtda 2500-dən çox avtobus fəaliyyət göstərir.

N.Həsənov qeyd edib ki, indiyədək sərnişinlər ictimai nəqliyyatda gediş haqqını ödəmək üçün 10 mindən artıq kart əldə ediblər: "Hər gün orta hesabla 5 min kartdan istifadə olunur".

Onun sözlərinə görə, bununla yanaşı, nəqliyyatda yeni ödəniş sisteminə maraq artmaqda davam edir və yayadək kart sistemi daha 30 marşrutda tətbiq ediləcək: "İctimai nəqliyyatda gediş haqqının kartlarla ödənilməsi sisteminin tətbiqi prosesini 2015-ci ildə Bakıda keçiriləcək I Avropa Oyunlarınadək başa çatdırmaq planlaşdırılır".

Məqalədə:
Xəbər lenti

Xəbər lenti