"FINCA Azerbaijan"ın Beyləqan filialının yeni ofisinin açılışı olub
Azərbaycan, Bakı, 18 aprel /Trend/
Daim müştəri məmnunluğunun təmin olunmasına çalışan "FINCA Azerbaijan" Qeyri-Bank Kredit Təşkilatı aprelin 16-da Beyləqan filialının müştərilərin rahatlığını təmin edəcək müasir standartlara tam cavab verən yeni ofisinin açılış mərasimini keçirib.
Təşkilatdan Trend-ə verilən məlumata görə, açılış mərasimində Beyləqan rayon İcra Hakimiyyəti başçısının birinci müavini, FINCA Azerbaijan-ın ölkə direktoru Timoti Tarrant və digər rəhbər şəxsləri, habelə regionda fəaliyyət göstərən müxtəlif bankların nümayəndələri və müştərilər iştirak ediblər.
Tədbirdə filialla uzun illər əməkdaşlıq edən 4 müştəri dəyərli hədiyyələrlə mükafatlandırılıb.
Həmçinin FINCA Azerbaijan-ın bütün 65 filialını əhatə edən "Hər filialda 150 mində birinci müştəri" adlı kampaniya çərçivəsində Beyləqan və Fizuli filiallarından olan müştərilər də onlar üçün hazırlanmış xüsusi hədiyyələri alıblar.
11 ildən artıq regionda fəaliyyət göstərən Beyləqan filialı hazırda əsasən əkinçilik, heyvandarlıq və kiçik bizneslə məşğul olan 4 min nəfərdən çox müştəriyə maliyyə xidmətləri göstərir.
Ümumilikdə "FINCA Azerbaijan" təşkilatı ölkənin bütün regionlarını əhatə edən 65 filialı vasitəsilə 152 min nəfərdən artıq aktiv müştəriyə - kiçik və orta sahibkarlara müxtəlif kredit məhsulları təqdim edir.
