...

Azərbaycan ilk özəl kredit bürosunun yaradılması prosesini tezləşdirəcək

Biznes və iqtisadiyyat xəbərləri Materials 1 May 2014 16:30

Trend-i buradan izləyin

Azərbaycan, Bakı, 1 may /Trend, müxbir E.Əliyev/

Azərbaycanda ilk özəl kredit bürosunun yaradılması üzrə təşkilat komitəsi prosesin sürətləndirilməsi üçün tədbirlər görür. Bunu cümə axşamı Trend-ə Mərkəzi Asiya və Azərbaycanda Beynəlxalq Maliyyə Korporasiyasının "Maliyyə infrastrukturunun təkmilləşdirilməsi" layihəsinin koordinatoru Teymur Heybətov deyib.

Onun sözlərinə görə, hazırda texniki əməkdaşlıq üzrə xidmətlərin göstərilməsi üçün müvafiq tenderin iki qalib şirkətinin - CRIF (İtaliya) və "Creditinfo" (İslandiya) informasiya və təsiseetmə sənədləri Azərbaycan Mərkəzi Bankına təqdim edilib: "Rabitə və Yüksək Texnologiyalar Nazirliyi büronun məlumat bazasını qeydiyyata almalı və bundan başqa, onlar Mərkəzi Bankdan müsbət rəy almalıdırlar".

T.Heybətov qeyd edib ki, büro cari ilin sonunadək yaradılacaq. Texniki tərəfdaş büronun səhmlərinin nəzarət paketini (kapitalda 51 faiz iştirak payı) əldə edəcək.

İlk özəl kredit bürosunun potensial səhmdarları "Access Bank", "AGBank", "Azerbaycan Sənaye Bankı", "Bank Respublika", "Dəmir Bank", "Muganbank", PAŞA Bank, "Turan Bank", "Yapı Kredit Bank Azerbaijan" və "UniBank"dir.

Məqalədə:
Xəbər lenti

Xəbər lenti