Azərbaycan, Bakı, 1 may /Trend, müxbir E.Əliyev/
Azərbaycanda ilk özəl kredit bürosunun yaradılması üzrə İcraiyyə Komitəsinə bir Bank Olmayan Kredit Təşkilatı (BOKT) qoşula bilər. Bu barədə cümə axşamı Trend-ə Beynəlxalq Maliyyə Korporasiyasının (IFC) Mərkəzi Asiyada və Azərbaycanda maliyyə infrastrukturlarının möhkləmləndirilməsi layihəsinin əlaqələndiricisi Teymur Heybətov bildirib.
O deyib: "Bu gün biz 11 bankla işləyirik. İcraiyyə Komitəsinin aprelin 22-də keçirilən sonuncu iclasında komitəyə yeni üzvlərin, dəqiq desək, ölkədə fəaliyyət göstərən bank olmayan kredit təşkilatlarından birinin qoşulması haqqında məsələ müzakirə olundu".
Hümbətov əlavə edib ki, komitənin yeni üzvünün adı müvafiq sazişin imzalanmasından sonra açıqlanacaq.
Onun sözlərinə görə, təşəbbüsə bir neçə kommersiya bankının qoşulması da tamamilə mümkündür: "Bu, ölkənin maliyyə sektorunun layihəyə kifayət qədər maraq göstərdiyindən xəbər verir. İştirakçıların sayı təbii ki, heç nə ilə məhdudlaşdırılmır, lakin məlum olduğu kimi büronun kapitalında iştirak payının yarısını texniki tərəfdaş alacaq və komitə yerli səhmdarların strukturunda güclü dəyişiklik etmək istəməzdi".
Texniki tərəfdaş büronun səhmlərinin nəzarət paketini (kapitalda iştirak payının 51 faizini) əldə edəcək.
