...

IFC: Daşınan əmlakın reyestri Azərbaycan banklarının riskini azaldacaq

Biznes və iqtisadiyyat xəbərləri Materials 2 May 2014 14:58

Trend-i buradan izləyin

Azərbaycan, Bakı, 2 may /Trend, müxbir E.Əliyev/

Azərbaycanda daşınan əmlakın reyestrinin yaradılması ölkənin bank sektoru üçün riskləri azaltmağa imkan verəcək. Bu barədə cümə günü Trend-ə Beynəlxalq Maliyyə Korporasiyasının Mərkəzi Asiya və Azərbaycanda "Maliyyə infrastrukturunun təkmilləşdirilməsi" layihəsinin koordinatoru Teymur Heybətov deyib.

O bildirib: "Biz təmin edilmiş sövdələşmələr haqqında qanun layihəsi üzərində fəal işləyirik. Bu sənədin qəbul edilməsi Azərbaycanda daşınan əmlakın reyestrini yaratmağa imkan verəcək".

IFC nümayəndəsinin sözlərinə görə, reyestr belə əmlaka qarşı tələb hüququnun qeydiyyatını aparmağa imkan verəcək: "Bu, onun kredit üzrə girov qismində çıxış etdiyi zaman olur".

T.Heybətov qeyd edib ki, məsələn, əgər bu gün bank daşınan əmlakla kredit verirsə, o risk edir: "Çünki fırıldaqçı borclu digər maliyyə institutunda həmin əmlakı girov götürməklə krediti formalaşdıra bilər. Belə vəziyyət banklar üçün riskləri xeyli artırır, buna görə də onlar daşınan əmlakı girov qismində həvəslə qəbul etmirlər. Reyestr bu əmlaka qarşı tələb hüququnu qeydiyyata almağa imkan verəcək. Bununla da girovu qeydiyyata almış ilk bank prioritet əldə edəcək".

Onun sözlərinə görə, IFC bu sənəd üzrə Azərbaycan Mərkəzi Bankı ilə sıx əməkdaşlıq edir.

Qeyd edək ki, qanun layihəsi 2008-ci ildə USAID-in dəstəyi ilə ACDI-VOCA beynəlxalq təşkilatı tərəfindən hazırlanıb.

T. Heybətov deyib: "May ayı ərzində biz qanun layihəsi ilə bağlı tövsiyələri tənzimləyiciyə təqdim edəcəyik və ümid edirəm ki, sənəd cari ilin sonunadək qəbul ediləcək".

Məqalədə:
Xəbər lenti

Xəbər lenti