...

Azərbaycan banklarının depozit bazası il ərzində təxminən 21 faiz artıb

Biznes və iqtisadiyyat xəbərləri Materials 3 May 2014 14:46 (UTC +04:00)

Trend-i buradan izləyin

Azərbaycan, Bakı, 3 may /Trend, müxbir İ.Xəlilova /

2014-cü ilin birinci rübünün yekunları üzrə Azərbaycan banklarının depozit bazası 6,67 faiz, illik hesablamada isə 20,84 faiz artıb. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.

Aprelin 1-nə olan məlumata görə, bank depozitlərinin, hüquqi və fiziki şəxslərin əmanətlərinin ümumi həcmi 2013-cü il aprelin əvvəlinə olan 11 012,7 milyon manata nisbətdə 13 308,1 milyon manat təşkil edib.

Ümumi həcmin 6 596,3 milyon manatı manatla vəsaitlərin payına düşüb ki, bunun da 2 395,6 milyon manatını tələb olunanadək depozitlər, 4200,7 milyon manatını isə müddətli depozitlər təşkil edir. Xarici valyutadakı vəsaitlərin payına 6 711,8 milyon manat (müvafiq olaraq 1 720,4 milyon manat və 4 991,4 milyon manat) düşüb.
Ötən ilin analoji dövrü ilə müqayisədə fiziki şəxslərin əmanətləri 20,24 faiz, hüquqi şəxslərin depozitlərinin həcmi 21,45 faiz artıb. Rüb ərzində bu göstəricilər müvafiq olaraq 4,1 faiz və 9,4 faiz artıb.

2014-cü ilin yanvar-mart aylarında fiziki şəxslərin ölkənin banklarındakı əmanətlərinin həcmi 2013-cü ilin analoji dövründəki 5 536 milyon manata nisbətdə 6 656,3 milyon manat təşkil edib.
Mərkəzi Bankın məlumatına görə, əhali tərəfindən 4077,1 milyon manat (61,26 faiz) milli valyutada, 2579,2 milyon manat isə SDV-də yerləşdirilib.
2014-cü ilin yanvar-mart aylarının nəticələrinə görə, maliyyə təşkilatlarının depozitlərinin həcmi 3 610,4 milyon manat təşkil edib. Bu rəqəm 2013-cü ilin analoji dövründə 2605,4 milyon manat olub.
Dekabrın əvvəlinə qeyri-maliyyə təşkilatlarının depozitlərinin həcmi 3041,3 milyon manat təşkil edib. Bu rəqəm 2013-cü ilin eyni dövrünün yekunları üzrə 2871,4 milyon manat olub.

Hüquqi şəxslərin depozitlərinin həcmi 6651,7 milyon manat təşkil edib. Bu göstərici 2013-cü ilin analoji dövründə 5476,8 milyon manat olub.

Qeyd edək ki, Azərbaycanda 44 bank fəaliyyyət göstərir.

Məqalədə:
Xəbər lenti

Xəbər lenti