Azərbaycan, Bakı, 5 may /Trend, müxbir E.Əliyev/
2014-cü ilin birinci rübündə Gürcüstandan Azərbaycana 8,93 milyon dollar dəyərində 3,45 min ton diri çəkiyə malik iribuynuzlu mal-qara idxal edilib. Trend-in məlumatına görə, bu barədə Gürcüstan Milli Statistika Xidmətinin hesabatında deyilir.
Hesabat dövründə bu sahənin xüsusi çəkisi Gürcüstandan Azərbaycana ümumi ixracın həcminin 6,13 faizini təşkil edib.
Ötən ilin eyni dövrü ilə müqayisədə Gürcüstandan idxal olunan iribuynuzlu mal-qaranın idxalı 8,32 faiz, say etibarilə isə 0,44 faiz azalıb. Müqayisə üçün: 2013-cü ilin yanvar-fevralında Gürcüstandan Azərbaycana 9,74 milyon dollar dəyərində diri çəkisi 3,89 min ton olan iribuynuzlu mal-qara idxal edilib.
Bu ilin yanvar-mart aylarında Gürcüstandan Azərbaycana 145,68 milyon dollar dəyərində məhsul ixrac edilib ki, bu da hesabat dövründə ölkə ixracının ümumi həcminin 20,9 faizini təşkil edir. İl ərzində Azərbaycana ötən ilin eyni dövrü ilə müqayisədə ixracat 1,48 faiz artıb.
Gürcüstandan2014-cü ilin yanvar-mart aylarında Azərbaycana 145,68 milyon dollar dəyərində və ya hesabat dövründə ölkəyə ixracın ümumi həcminin 20,9 faizi həcmində məhsul ixrac edilib.
Hesabata əsasən, Azərbaycandan Gürcüstana idxalın həcmi il ərzində 15,49 faiz artıb. Müqayisə üçün: 2013-cü ilin yanvar-fevral aylarında Gürcüstan 98,01 milyon dollar məbləğində Azərbaycan məhsulu idxal edib. Azərbaycana ixrac ötən ilin eyni dövrü ilə müqayisədə 1,48 faiz artıb.
Azərbaycan Gürcüstanın məhsul idxal etdiyi ölkələr siyahısında ikinci yeri tutur.
