...

Azərbaycanın prosessinq mərkəzi Bakıda nəqliyyat kart sisteminə qoşulacaq

Biznes və iqtisadiyyat xəbərləri Materials 30 May 2014 17:26

Trend-i buradan izləyin

Azərbaycan, Bakı, 30 may /Trend, müxbir E.Əliyev/

"Millikart Group" prosessinq mərkəzi müştəri banklara Bakıda nəqliyyat kart sisteminə qoşulmaq imkanı təqdim etmək niyyətindədir. Bunu cümə günü Trend-ə "Millikart"ın icraçı direktoru Cəlal Orucov deyib.

O, qeyd edib: "Biz bu layihə üzərində "Bank of Azerbaijan" (ictimai nəqliyyatda mövcud gediş haqqı kartlarının emitent bankı) ilə birgə işləyirik. Ümid edirəm ki, sentyabra bu istiqamətdə bütün işlər yekunlaşacaq və banklar təmassız kartlar buraxa biləcəklər".

C.Orucov bildirib ki, belə xidmətlər göstərmək üçün bank müavfiq sertifikasiyadan keçməlidir: "İstehlakçıya nəqliyyat kartları kimi tanış olan "MasterCard" bazasındakı "PayPass" kartları üçün belə sertifikasiyanı onları buraxan və ekvayrinqi ilə məşğul olan "Bank of Azerbaijan" keçib. Hazırda bir neçə bank analoji prosedur təşəbbüsünü irəli sürüb və təmassız kartlar buraxmaq, POS-terminalların və ya müştərilərə bu kartlardan istifadə etməyə imkan verən validatorların alınması və quraşdırılması hüququnu əldə etmək niyyətindədir. Nəqliyyat kartlarına gəlincə, bu sistem digər banklar üçün tam açıqdır və ona qoşulmaq istəyən bank yalnız müvafiq sertifikasiyadan keçməlidir".

Qeyd edək ki, Bakıda bütün marşrutların ödəniş kartlarının köməyi ilə gediş haqqı sisteminə keçidini bu ilin sonunadək başa çatdırmaq planlaşdırılır.

Məqalədə:
Xəbər lenti

Xəbər lenti