Azərbaycan, Bakı, 17 sentyabr /Trend, müxbir Emil İsmayılov/
Ələt qəsəbəsində yeni Beynəlxalq Dəniz Ticarət Limanının bərə terminalı yaxın vaxtlarda istismara veriləcək.
Trend-in məlumatına görə, bunu çərşənbə günü jurnalistlərə nəqliyyat nazirinin müavini Musa Pənahov deyib.
Onun sözlərinə əsasən, Ələt qəsəbəsində bərə terminalının tikintisi üzrə işlər, demək olar, başa çatıb və onun istismara verilməsi terminalı paytaxtdan kənara köçürməyə imkan verəcək.
M.Pənahov qeyd edib ki, quru yük və "ro-ro" terminallarının tikintisi çərçivəsində işlər də davam edir: "Yeni liman obyektlərinin 2015-ci ilin sonu - 2016-cı ilin əvvəlində istismara verilməsi gözlənilir".
