...

Azərbaycanda İslam ipotekasının verilməsi dayandırıldı

Biznes və iqtisadiyyat xəbərləri Materials 22 Aprel 2015 23:50 (UTC +04:00)
Azərbaycan Beynəlxalq Bankı (ABB) İslam pəncərəsi çərçivəsində ipotekanın verilməsini müvəqqəti dayandırıb.
Azərbaycanda İslam ipotekasının verilməsi dayandırıldı

Trend-i buradan izləyin

Azərbaycan, Bakı, 22 aprel /Trend, müxbir Azad Həsənli/

Azərbaycan Beynəlxalq Bankı (ABB) İslam pəncərəsi çərçivəsində ipotekanın verilməsini müvəqqəti dayandırıb. Bunu Trend-ə ABB-nin İslam bankçılığı departamentinin direktoru Bəhnam Qurbanzadə deyib.

Onun sözlərinə əsasən, bu qərar bazarda yaranmış vəziyyətlə bağlıdır. Fevralın 21-də baş vermiş manatın devalvasiyasından sonra banklar kreditlərin verilməsini azaltdılar, bəziləri isə onu tamamilə dayandırdılar.

B.Qurbanzadə qeyd edib ki, İslam bankçılıq pəncərəsi vasitəsilə ipotekanın maliyyələşdirilməsi ABB-nin startegiya və siyasətindən tam asılıdır: "Hazırda bu layihənin və onun imkanlarını yenidən qiymətləndiririk, buna görə də ipotekanın verilməsini müvəqqəti dayandırmışıq".

O, İslam pəncərəsi çərçivəsində ipotekanın maliyyələşdirilməsinin nə vaxt bərpa ediləcəyini açıqlamaqda çətinlik çəkərək vurğulayıb ki, bu, bank rəhbərliyinin qərarından asılıdır.

Məqalədə:
Xəbər lenti

Xəbər lenti