Azərbaycan, Bakı, 16 may /Trend, müxbir Maksim Tsurkov/
Vyetnam prezidenti Çıonq Tan Şanq Bakıda keçirilən Azərbaycan-Vyetnam biznes forumu çərçivəsində konkret ticarət təklifi irəli sürüb. Təklifdə iki ölkə arasında əmtəə dövriyyəsinin 1 milyard dollara çatdırılması nəzərdə tutulur. Trend Vyetnam KİV-nə istinadən xəbər verir.
Çıonq Tan Şanq, həmçinin Azərbaycan sahibkarlarının Vyetnamda fəaliyyəti üçün optimal şərait yaradılacağı ilə bağlı söz verib.
Vyetnam KİV-i yazır: "Prezident ölkələrarası ikitərəfli ticarətin səviyyəsini (2014-cü ildə 422 milyon dollar) yüksək qiymətləndirib. Həmçinin qeyd edib ki, tikinti, səhiyyə və nəqliyyat sahələrində də inkişaf potensialı var".