Bakı. Trend:
AzSığorta şirkəti həm özünün, həm də müştərilərinin mənafelərini qorumaq məqsədilə 13-14 mayda Xaçmaz şəhərində AzSığorta-nın Sığorta Hadisələri Departamentinin və filialların qəza komissarları üçün qüvvəyə minmiş yeni İnzibati Xətalar Məcəlləsinin "Yol hərəkəti qaydaları əleyhinə olan inzibati xətalar" fəsli üzrə treninq keçirib.
Bu barədə Trend-ə şirkətdən məlumat verilib.
Bildirilir ki, yol-hərəkəti qaydalarının tətbiqi mövzusunda nəzəri bilikləri yoxlanılıb.
Təlimdə komissarlara baş vermiş yol-nəqliyyat hadisələrində sığortalı sürücülərə hüquqi yardımın göstərilməsi və eyni zamanda qeyri-qanuni hallarla mübarizənin aparılması öyrədilib.
Qeyd edək ki, şirkət, bu toplantıları mütəmadi keçirmək niyyətindədir. Birinci belə toplantı isə keçən ilin noyabr ayında baş tutub - Yevlax şəhərində, qəza komissarlarına "Yol hərəkəti və nəqliyyat vasitələrinin istismarı qaydalarının hüquqi və təşkilatı əsasları" mövzusunda təlim keçirilib.