Bakı. Trend:
İsveçrənin İqtisadi Məsələlər üzrə Dövlət Katibliyi (SECO) Azərbaycana ən mürəkkəb məsələlərin həll olunmasında yardım göstərmək üçün yeni texniki yardım layihələrinin reallaşdırılmasına hazırdır. Trend-in məlumatına görə, bu sözləri Bakıda keçirilən tədbir zamanı SECO regional direktorunun müavini Simon Heberli deyib.
O qeyd edib ki, bu gün Azərbaycan üçün müasir və şəffaf kapital bazarları vacibdir:
“Azərbaycan və İsveçrə mikroiqtisadi siyasət və maliyyə stabilliyinin təmin olunması sahəsində 25 ildən artıqdır ki, səmərəli şəkildə əməkdaşlıq edir”.