...

"Bank Standard"ın əmanətçilərinə 412 milyon manatdan çox kompensasiya ödənilib

Biznes və iqtisadiyyat xəbərləri Materials 17 Noyabr 2016 10:38 (UTC +04:00)
Ümumilikdə Fond tərəfindən 10 bank üzrə 698 milyon 890 min manatdan artıq kompensasiya ödənilib.
"Bank Standard"ın əmanətçilərinə 412 milyon manatdan çox kompensasiya ödənilib

Trend-i buradan izləyin

Bakı. Trend:

Azərbaycan Əmanətlərin Sığortalanması Fondu (ADIF) tərəfindən noyabrın 16-da “Parabank” ASC-nin qorunan əmanətçilərinə 42 milyon 810 min manat, “Zaminbank” ASC-nin qorunan əmanətçilərinə 52 milyon 256 min manat, “Kredobank” ASC-nin qorunan əmanətçilərinə 27 milyon 005 min manat və “Dekabank” ASC-nin qorunan əmanətçilərinə isə 3 milyon 021 min manatdan artıq kompensasiya ödənilib.

Fonddan Trend-ə verilən məlumata görə, 4 bank üzrə ümumilikdə 125 miyon 094 min manatdan artıq kompensasiya ödənilib.

“Atrabank” ASC-nin qorunan əmanətçilərinə 14 milyon 193 min manat, “Qafqaz İnkişaf Bankı” ASC-nin qorunan əmanətçilərinə 1 milyon 880 min manatdan artıq kompensasiya ödənilib. 2 bank üzrə ümumilikdə 16 milyon 073 min manatdan artıq kompensasiya ödənilib.

Bundan başqa, noyabrın 16-da “Bank of Azerbaijan” ASC-nin qorunan əmanətçilərinə 24 milyon 147 min, “Gəncəbank” ASC-nin qorunan əmanətçilərinə 975 min manat, “Texnikabank” ASC-nin qorunan əmanətçilərinə isə 120 milyon 080 min manatdan artıq kompensasiya ödənilib. 3 bank üzrə ümumilikdə 145 milyon 204 min manatdan artıq kompensasiya ödənilib.

Həmçinin QSC “Bank Standard” KB-nin qorunan əmanətçilərinə 412 milyon 517 min manat artıq kompensasiya ödənilib.

Ümumilikdə Fond tərəfindən 10 bank üzrə 698 milyon 890 min manatdan artıq kompensasiya ödənilib.

Məqalədə:
Xəbər lenti

Xəbər lenti