Bakı. İlahə Məmmədli - Trend:
Azər Türk Bankın Müşahidə Şurasının qərarı ilə X.Əhədov bankın İdarə Heyətinin üzvü seçilib. Həmçinin İdarə Heyətinin sədri vəzifəsinin icrası müvəqqəti olaraq ona həvalə edilib.
Bu barədə Trend-ə bankdan məlumat verilib.
O bu vəzifədə Fərhad Adıgözəlovu əvəz edib.
Bankın İdarə Heyəti sədrinin müavini Afiq Xudiyev də vəzifəsini tərk edib. Bu yer hələ vakant qalır.
Xalid Nurəddin oğlu Əhədov bank sahəsi üzrə fəaliyyətə 1999-cu ildən başlayıb. Bu günə qədər "Bank of Baku" ASC-nin İdarə Heyəti sədrinin müavini, “Unibank” ASC-nin icraçı direktoru vəzifələrində çalışıb. Yeni vəzifəyə qədər isə hazırda ləğvetmə prosesində olan “Bank Standard” ASC-nin İdarə Heyətinin sədri olub.
Azər Türk Bank 25 may 1995-ci ildə yaradılıb.