Bu gün Moskvada "Sosial təminat sahəsində informasiya kommunikasiya texnologiyaları (İKT)" mövzusunda 11-ci beynəlxalq konfrans öz işinə başlayacaq. Bu barədə Dövlət Sosial Müdafiə Fondunun mətbuat xidmətindən Trend xəbər agentliyinə məlumat verilib.
Məlumata görə, 3 gün davam edəcək tədbirdə xidmətlərin inteqrasiya sistemi, İKT sahəsində təcrübə mübadiləsi və s. məsələlər ətrafında müzakirələr aparılacaqdır. Tədbirdə Azərbaycanı DSMF sədri Səlim Müslümovun rəhbərlik etdiyi nümayəndə heyəti təmsil edəcəkdir. Nümayəndə heyətinin üzvü, DSMF-in əməkdaşı Oqtay İbrahimov konfransda məruzə ilə çıxış edəcəkdir.
