İyulun 22-də Bakıda Azərbaycanın Ümumdünya Ticarət Təşkilatına (ÜTT) daxil olmasına həsr olunmuş seminar keçirilir.
Trend in məlumatına görə, tədbirin gedişində Almaniyanın Texniki Yardım Cəmiyyəti (GTZ), Almaniyanın Kənd Təsərrüfatı Nazirliyinin mütəxəssisi Rudiger Ost (Rudiger Ohst) ÜTT-nın təqdimatını keçirib. O, iştirakçıları ÜTT-nın ayrı-ayrı təşkilatlarının işi ilə tanış edib, onların funksional öhdəliklərini qeyd edib.
Seminarın gedişində həmçinin Azərbaycanın ÜTT-na üzvlüyü məsələləri - sanitar və fitosanitar institutlar barədə razılaşmalar, artıq bu təşkilata üzv olmuş ölkələrin təcrübələri, ÜTT-nın tələblərinin yerinə yetirilməsinin vacibliyi və onların icra edilməsi prosedurası və digər məsələlr müzakirə olunub.
Seminarda Azərbaycanını İqtisadi İnkişaf və Kənd Təsərrüfatı Nazirliklərinin, Dövlət Fitosanitar Nəzarət Xidməti, Dövlət Gömrük Komitəsinin mərkəzi laboratoriyasının, Dövlət Standartlaşdırma, metrologiya və patent Agentliyinin, Dövlət Veterenar Xidmətinin nümayəndələri və digər şəxslər iştirak edib.
