TRACECA Hökumətlərarası komissiyasına üzv olan ölkələr tərəfindən layihənin 2015-ci ilə qədər strategiyası işlənib hazırlanacaq. Azərbaycanda TRACECA Hökumətlərarası komissiyasının Milli katibi Akif Mustafayevin Trend ə verdiyi məlumata görə, belə qərar sentyabrın 26-27-də İstanbulda keçirilən komisiyaya üzv ölkələrin işçi qruplarının iclasının yekunlarına görə qəbul edilib.
Onun sözlərinə görə, İstanbulda sənədə baxıldıqdan sonra o, ölkələrin nümayəndələrinə paylanılıb. Sənədə hər bir ölkənin milli katibliklərində baxılacaq və müvafıiq hökumət orqanları ilə razılaşdırılacaq. "Biz 2006-cı ilin aprelində Sofiyada keçiriləcək TRACECA Hökumətlərarası komissiyasının növbəti iclasına qədər strategiyanın hazırlanmasını və təqdim edilməsini çatdırmağa çalışırıq. Göstərilən tarixə qədər sənəd bütün instansiyalarla razılaşdırılacaq ", - deyə Azərbaycanda TRACECA-nın Milli katibi bildirib.
