Thames Insurance Group Böyük İpək Yolunun Hacıqabul-Kürdəmir hissəsində təmir-tikinti işlərini əhatə edən elan olunmuş sığorta layihəsi üzrə tenderin qalibi olub. Şirkətdən Trend ə verilən məlumata görə, tender İtaliyanın Todini Construzoni şirkəti tərəfindən elan edilib.
Bu layihə çərçivəsində şirkət Hacıqabul-Kürdəmir yolunun 85,6 km -də təmir-tikinti işlərini yerinə yetirəcək. Bu layihənin həyata keçirilməsi üçün vəsait Avropa Yenidənqurma və İnkişaf Bankı tərəfindən ayrılıb.
Hazırda Thames Insurance Group bu layihədə təklif olunan bütün sığorta növləri üzrə fəaliyyəti həyata keçirir - inşaatçıların bütün risqlərdən sığortası, podratçının zavod və avadanlıqlarının sığortası, nəqliyyat vasitələrinin sığortası, 3-cü şəxs qarşısında cavabdehliyin sığortası və s.
Tenderdə 5-dən artıq sığorta şirkəti iştirak edib. Qeyd edək ki, Thames Insurance Group 1996-cı ildə yaradılıb.
