Azərbaycanda "quş qripi"nin mövcudluğunu müəyyən edilmək üçün keçiriləcək növbəti monitorinq noyabrın 28-ə keçiriləcək. Kənd Təsərrüfatı Nazirliyi yanında baytarlıq xidmətinin rəhbərinin müavini Emin Şahbazovun Trend ə verdiyi məlumata görə, bu, respublika səviyyəsində keçiriləcək sayca 4-cü monitorinq olacaq.
Onun sözlərinə görə, hazırda bu istiqamətdə baytar xidməti, Ekologiya və Təbii ehtiyatlar Nazirliyi, Səhiyyə və Azərbaycanın Ovçuları cəmiyyətinin mütəxəssislərinin noyabrın 9-da başlamış üçüncü kompleks monitorinqi başa çatıb. Monit orinqin yekunları gələn həftə açıqlanacaq.
"İndiyə kimi 131 quş cəmdəyi əsasında 1046 qan analizi aparılıb" - deyə E. Şahbazov bildirib.
O məlumat verib ki, Abşeronda, Şirvan, Ağgöl Milli Parklarında, Qızılağac Dövlət qoruğunda, Xəzər dənizinin sahillərində aparılan monitorinqlər bu xəstəliyin hər hansı bir əlamətlərini aşkara çıxarmayıblar.
Bütün bunlarla yanaşı quş qripinin qarşısının alınması üçün təbirlər görülür. Bu tədbirlərin sırasına sərhədlərdə gücləndirilmiş nəzarət, müvafiq işlərin yerinə yetirilməsi üçün ayda iki dəfə broyler müəssisələri rəhbərlərinin görüşü daxildir.
Öz növbəsində, Ekologiya və Təbii sərvətlər nazirliyi ölkəyə "quş qripi"nin yayılmaması üçün tədbirlər görür. Bu istiqamətdə noyabrdan ölkədə quş ovuna qoyulan qadağanın müddəti 1 ay müddətinə uzadılıb. Bunda məqsəd Cənub-Şərqi Asiyada, Rusiyada, Qazaxıstanda "quş qripi"nin yaılması ilə əlaqədar köçəri quşlarının qanlarının analizi ilə bağlıdır.
