ABƏŞ-in (Azəri-Çıraq-Günəşli yatağının işlənib-hazırlanması üzrə operator) xərclərinin müəyyən edilməsindən sonra 2006-cı ildə vergilər Nazirliyi ABƏŞ-dən mənfəət vergisinə gözlənilən daxilolmaları gələn ilin yekunlarına əsasən təyin edə bilər. Vergilər nazirinin müavini Natiq Əmirov Trend ə bildirib ki, biz hələlik ABƏŞ-in dövlət büdcəsinə köçürəcəyi $220 mln.-dan az olmayan mənfəət vergisini nəzərdə tutan ilkin hesablamalara əsaslanırıq.
Bu hesablamalar dövlət büdcəsində neftin nəzərdə tutulmuş $40 qiymətinə əsasən aparılıb. ABƏŞ mənfəət vergisinin ödənməsinə bütün xərclərini təmin etdikdən sonra başlayacaq. Dünya bazarlarında neftin bir barelinə olan orta $40 qiyməti saxlanılmaqla ABƏŞ-in 2006-cı ildə öz qalan xərclərini $548,6 mln.olaraq təmin edəcəyi, eləcə də vergilərədək $880 mln. məbləğində mənfəət alacağı nəzərdə tutulur. ABƏŞ mənfəət vergisini müqavilə ilə nəzərdə tutulmuş 25% dərəcə ilə ödəyəcək. Əgər neftin orta qiyməti bir barel üçün $40-dan çox olsa, onda daxilolmalar da artırılacaq.