Azərbaycan hökuməti OPEK-in .lkənin şimal-şərq rayonlarında kənd təsərrüfatının inkişaf layihələri üçün Beynəlxalq İqtisadi İnkişaf Fondunun kreditindən imtina edib. Bu barədə Trend ə hökumətdən məlumat verilib.
Bunun nəticəsində layihədə Azərbaycanın inkişaf payı artıb. Layihənin 4 il üçün hesablandığı nəzərə alınarsa, hökumət hesab edir ki, bu dövr ərzində Azərbaycan öz daxili mənbələri hesabına onun reallaşdırılması üçün zəruri xərcləri ödəyə biləcək. Hökumət maliyyələşdirmənin digər mənbələrindən də istifadə edə bilər, lakin beynəlxalq maliyyə institutları ilə razılıq əldə olunması üçün əlavə vaxt tələb olunur. Lakin ölkə artıq OPEK-lə danışıqlara kifayət qədər vaxt itirib.
Layihənin maliyyələşdirməsindən imtina təşkilatın təklif etdiyi $7,5 mln kreditlə bağlı kommersiya şərtlərilə bağlıdır. Maliyyə Nazirliyi hökumətin zəmanəti kimi onun məqsədəyönlü olmadığını hesab edir və Nazirlər Kabineti də bununla razılaşır. Adətən fond ölkəyə 2%-lik dərəcə ilə kredit təklif edir. Eyni şərtlərlə növbəti krediti almaq ümidi ilə hökumət artıq ikinci ildir ki, OPEK-dən vəsaitin ayrılması barədə qərar gözləyir.
Beləliklə, layihə iki mənbə tərəfindən - Azərbaycan hökuməti və Beynəlxalq Kənd Təsərrüfatı İnkişaf Fondu (IFAD) tərəfindən maliyyələşdiriləcək. Bununla əlaqədar, fondla reallaşdırma qrupunun yaradılması, layihənin reallaşdırılması monitorinqinin keçirilməsi kimi məsələlərin razılaşdırılması qalıb.
IFAD fondu ilə kredit razılaşması 2005-ci ilin yayında imzalanıb.
