2005-ci il ərzində Azərbaycanın Maliyyə nazirliyi sığorta fəaliyyətinin həyata keçirilməsi üzrə iki şirkətin lisenziyanı geri alıb. Nazirliyin dövlət sığorta nəzarəti şöbəsinin rəisi Bəybala Xankişiyevin Trend ə bildirdiyi kimi, bu şirkətlər yerli "Muğansığorta" və Londongate (Azərbaycan-Böyük Britaniya) müştərək şirkətidir. Bu şirkətlərə onlarla bağlanmış müqavilə üzrə öhdəliklərin yerinə yetirilməsi üçün 1 il vaxt verilib və onların yeni müqavilə bağlamaq hüququ yoxdur.
Beləliklə, bu gün respublikada 28 sığorta şirkəti fəaliyyət göstərir ki, onların da 6-sı müştərək şirkətdir.
B.Xankişiyevin sözlərinə görə, sığorta lisenziyasının alınmaı ilə bağlı nazirliyə heç bir müraciət daxil olmayıb. 2005-ci ilin yekunları və sığorta şirkətlərinin fəaliyyətinin təhlilinin nəticələrinə görə, lisenziyanın geri alınması nəzərdə tutulmur. Bu şirkətlər nizamnamə kapitalı üzrə bütün tələbləri yerinə yetirir və 2006-cı il yanvarın 1-nə olan vəziyyət üzrə bu kapital 3 mlrd manat təşkil etməlidir.
