"Azərdəmiryolbank" Səhmdar cəmiyyəti və Beynəlxalq Maliyyə Korporasiyası (BMK) Azərbaycanda lizinqin inkişafı layihəsi çərçivəsində niyyət Memorandumu imzalayıb. Trend in layihənin press-relizinə istinadən xəbər verdi yi kimi, memorandumda banka lizinq sahəsində işçi heyətinin işinin keyfiyyətinin artmasında, lizinq fəaliyyəti üçün lizinq siyasəti və posedurlarının, o cümlədən biznes-planın hazırlanmasında, müvafiq kompüter proqramlarının, marketinq strategiyasının inkişafında və digər məsələlərdə texniki yardımın göstərilməsi ilə bağlı razılıq əldə olunub.
Üç il əvvəl BMK Azərbaycan və Mərkəzi Asiya ölkələri üçün lizinq fəaliyyətinin inkişafına texniki yardım layihəsinin gerçəkləşdirilməsinə başlayıb. Bu layihə İsveçrənin iqtisadi məsələlər üzrə Dövlət Katibliyi (Seco) tərəfindən maliyyələşdirilir. Katiblik bu məqsədlə $2 mln vəsait ayırıb.
