AtaLizing lizinq şirkəti bu il öz portfelini ikiqat artıraraq $3 mln.-dək çatdırmağı planlaşdırır. Bu barədə Trend ə şirkətin Müşahidə Şurasının üzvü, AtaHoldinq idarə heyəti sədrinin birinci müavini Ceyhun Məmmədbəyli bildirib. Onun sözlərinə görə, bu hələ maliyyə ehtiyatlarına çatmaqdan asılı olacaq. Hazırda şirkət yerli banklarla danışıqlar aparır, çünki beynəlxalq maliyyə institutlarından vəsaitin cəlb olunması üçün danışıqlara bir il tələb olunur. AtaLizing üçün prioritet istiqamətlər tikinti sektoru, nəqliyyat və tibb sahəsində avadanlıq alınmasıdır.
Bu gün AtaLizing-in lizinq portfeli şirkətin $0,5 mln. səviyyəsində müəyyən edilmiş nizamnamə kapitalını ötür. C.Məmmədbəylinin sözlərinə görə, şirkət cəlb olunmuş kreditlər əsasında əməliyyatları həyata keçirməkdə davam edir.
Qanunvericilikdə nəzərdə tutulmuş məhdudiyyətlərə əsasən, AtaLizing öz səhmdarı olan Atabank-dan vəsait cəlb edə bilmir. İkinci problem odur ki, əgər şirkət bankla mövcuddursa, onda yenə də bir borc götürən üçün limit müəyyən edilib ki, bu da bir çox lizinq şirkətlərinin öz bankları ilə işləməsini məhdudlaşdırır.
Digər maliyyələşdirmə mənbəyi şirkətin korporativ istiqrazlarıdır.
Ümumi emissiyadan $0,5 mln. artıq qiymətli kağızlar $150 mindən çox reallaşdırılıb, bundan $50 min Azərbaycanda işləyən xaricilər tərəfindən alınıb. Bunların reallaşdırılması depozitlərdə bank dərəcələrinin artması ilə əlaqədar gecikir. Bu gün bunlar orta hesabla 14-dən 16%-dək illik, şirkətin istiqrazları ilə bağlı gəlirlilik isə 13% təşkil edib.
C.Məmmədbəyli bildirib ki, bununla bağlı iki ay ərzində istiqrazlar üzrə gəlirlilik dərəcəsinin artması məsələsinə aydınlıq gətiriləcək.
