Dövlət Gömrük Komitəsi (DGK) Azərbaycandan Rusiya, Moldova və digər ölkələrə kənd təsərrüfatı məhsullarının ixracı üçün sadələşdirilmiş sistemin tətbiqi layihəsini nəzərdən keçirir. Trend bildirir ki, bu barədə DGK sədri Aydın Əliyev jurnalistlərə bəyan edib.
"Bu məhsulların gömrük məntəqələrində gecikdirilməklə tez xarab olması itkiyə gətirib çıxara bilər" -deyə o qeyd edib.
"Bu gün bu, bizim üçün aktual məsələdir və bu məsələni adətən Moldova hökuməti də qaldırır. Biz bu təşəbbüsə qoşuluruq və protokol imzalanması imkanı da istisna edilmir" -deyə DGK rəhbəri bildirib.
