Vergilər Nazirliyinin məlumatına görə, bu ilin yanvar-fevral ayları ərzində dövlət büdəsinə 9 vergi növündən 7-si üzrə daxilolmalar artıqlaması ilə yerinə yetirilib. Bu barədə Trend ə Nazirlikdən məlumat verilib. Vergilər Nazirliyinin xətti ilə dövlət rüsumları və djigər daxilolmalar toplanılıb ki, onlarda da proqnoz göstəricilərə görə artıqlaması ilə yerinə yetirilmə müşahidə olunub.
Bu il ilk dəfə olaraq vergi daxilolmalarının ən yüksək xüsusi çəkisi Bakı-Tbilisi-Ceyhan (BTC) boru kəmərinin istismara verilməsi ilə əlaqədar mədaxil vergisi üzrə gözlənilir. Bununla əlaqədar ABƏŞ-in xətti ilə (BTC üzrə əsas neft tədarükçüsü) mədaxil vergisi şəklində $350 mln. əldə olunacağı ehtimal olunur.
İki ay ərzində mədaxil vergisi üzrə tutulmalar 77,842 mln. AZN təşkil edib, lakin proqnoz 89,5% səviyyəsində yerinə yetirilib. Bu vergi üzrə daxilolmaların xüsusi çəkisi 33,9% təşkil edir. Xüsusi çəki üzrə ikinci yerdə fiziki şəxslərin gəlir vergiləri üzrə (22,3%) daxilolmalar gedir və 51,085 mln. AZN təşkil edir. Proqnoz 127,7% yerinə yetirilib. ƏDV üzrə büdcəyə (xüsusi çəki ilə 17,1%) 39,179 mln. AZN köçürülüb ki, bu da proqnozlaşdırılan həcmdən 0,5% çoxdur.
Aksiz vergi üzrə (5,6%) daxilolmalar hesabat dövründə 12,937 mln. AZN təşkil edib ki, bu da proqnozu 0,3% üstələyir. Yeraltı sərvətlər üzrə verginin proqnozu (4,4%) 101,3% yerinə yetirilib və büdcəyə 10,134 mln. AZN daxil olub. Əmlak vergisi üzrə büdcəyə ( 2,9%) 6,739 mln. AZN vəsait keçirilib ki, bu da 20,3 % çoxdur. Vergiödəmələrin sadələşdirilmiş sistemi üzrə daxilolmalar (1,3%) proqnoz göstəricilərini 12,6% üstələyib və 3,062 mln. AZN təşkil edib. Torpaq vergisi üzrə (0,8%) daxilolmalarda artım 5,9% səviyyəsində qeydə alınıb və 1,949 mln. AZN-ə çatıb. Yol vergisi (0,4%) - 991,2 min. AZN təşkil edib ki, bu da proqnozdan 6,5% azdır.
Ən yüksək proqnoz göstəricisi dövlət rüsumları xətti üzrə- 4,892 mln. AZN, daha doğrusu 132,2% xüsusi çəki üzrə ümumi daxilolmalarda 2,1% müşahidə olunub. Digər daxilolmalar üzrə (9%) 20,654 mln. AZN daxil olub ki, müşahidə olunub ki, bu zaman proqnoz 102,3% yerinə yetirilib.
Ümumilikdə Vergilər Nazirliyinin xətti ilə vergilər üzrə proqnoz 102,4% yerinə yetirilib. Bu da 224 mln. AZN proqnozuna qarşı 229,464 mln. AZN deməkdir.