Xəzər Dəniz Gəmiçiliyi İdarəsinin Rusiyanın "Krasnoye Sormovo" (Nijni Novqorod) gəmiqayırma zavodunda sifariş etdiyi 4-cü - "Koroglu" tankeri Bakıya mayın sonlarında- iyunun əvvəllərində gələcək. Bu barədə Trend ə idarədən məlumat verilib.
"Krasnoye Sormovo" zavodu artıq Koroglu tankerini suya buraxıb. Tankerin suya buraxılmasından sonra qarşıda onun tikilib başa çatması və gəminin yan alıb durması sınaqları və onun sifarişçiyə təhvil verilməsi dayanır. Bu, zavodun 2002-ci ilin oktyabrında imzalanan 19619-cu layihəsi çərçivəsində hazırlanan 4-cü gəmidir. "Prezident Heydər Əlieyv" cəmisi sifarişçiyə 2004-cü ilin sentyabrında, "Babək" gəmisi 2004-cü ilin noyabrında təhvil verilib. 2005-ci ilin yanvarında Xəzər Dəniz Gəmiçiliyi İdarəsi üçün 19619 ldayihəsi çərçivəsində daha iki neft tankerinin tikintisi ilə bağlı müqavilə imzalanıb. Üçüncü gəmi "Şah İsmayıl Xətai" idarəyə ötən ilin oktyabrında verilib.
Tanker "çay-dəniz" sinfinə məxsusdur, 12 yük tankı və bir durulducu tankla təchiz olunub, ikiqat dib və ikiqat göyərtəli ballast şöbəsinə malikdir. Onun uzunluğu 152 m, eni 17,30 m, göyərtənin hündürlüyü 10,5 m, suya oturma dərəcəsi 6,99 m, yüklə dolu hərəkət sürəti 10 dəniz milidir. Tankerin su basımı 13 min tondur. Bu da onun Xəzərdə liman terminallarında yenidən təchiz edilməyə ehtiyacı olmadan sərbəst istismar olunmasına imkan verir.
Gəmi müxtəlif hava şəraitlərində- həddən artıq soyu dəniz iqlimlərində işləməyə qadirdir. 20 sutka müstəqil üzə bilir. Gəmi xammal neftinin və neft məhsullarının daşınması üçün nəzərdə tutulub.