Ötən həftə BMT-nin Ərzaq və Kənd Təsərrüfatı Təşkilatının (FAO) "quş qripi" ilə mübarizə çərçivəsində Bakıya gəlmiş eksperti ölkənin regionlarına baş çəkir.
Kənd Təsərrüfatı Nazirliyi yanında Dövlət Baytarlıq Xidmətindən Trend ə verilən məlumata görə, ekspert aprelin 10-11-də Quba-Xaçmaz regionlarına baş çəkəcək və burada "quş qripi" ilə mübarizə çərçivəsində görülmüş işləri öyrənəcək.
Aprelin 11-də regionda epidemioloqun iştirakı ilə həyata keçirilmiş işlərin yekunlarına həsr olunmuş kollegiya keçiriləcək. Kollegiyada o, görülmüş tədbirlərlə bağlı öz fikrini bildirəcək və tövsiyələrini verəcək.
FAO eksperti 1 ay müddətində ölkənin virusun aşkar olunduğu bütün regionlarına baş çəkəcək.