Asiya İnkişaf Bankı (AİB) özəl sektora yardım layihəsi çərçivəsində artıq iki bankın namizədliyi üzərində dayanıb. AİB-nın Bakı nümayəndəliyindən Trend ə verilən məlumata görə, bank onların səhmdar kapitalında iştirak etməyi planlaşdırır. 17,5 % iştirak payının əldə olunması ilə bağlı ilk sövdələşmə may ayında Azəriqazbankla bağlanacaq. Azərbaycan bankı tərəfindən də ticarət maliyyələşdirilməsi üzrə $3,5 mln. məbləğində iki kredit xətti açacaq.
AİB-in səhmdarı olmağa hazırlaşdığı ikinci bankın adı hələlik açıqlanmır. Ümumilikdə, Asiya bankı 6-8 bankla məsləhətləşmələr keçirəcək.
AİB layihəsi təkcə bankların səhmdar kapitalının investisiyalaşmasını deyil, həm də lizinq şirkətlərinin açıq kredit xətlərini nəzərdə tutur. Asiya bankı həmçinin, lizinq şirkətləri və Lizinq şirkətləri Assosiasiyaları ilə məsləhətləşmələr aparır. Lakin hələlik bu barədə konkret qərar qəbul edilməyib.
AİB ticarət əməliyyatlarını maliyyələşdirilməsi çərçivəsində Avropa Yenidənqurma və İnkişaf Bankı ilə əməkdaşlıq etməyi nəzərdə tutur. Ticarət maliyyələşdirilməsinə kredit xətləri AB ilə işləyən banklarla açılacaq, daha doğrusu, AİB onların başladıqları layihələri davam etdirəcək.
