Hökumətdən Trend ə verilən məlumata görə, Almaniyanın KFW bankı Gəncə və Şəki su şəbəkələrinin bərpası layihəsində Azərbaycan hökumətinin payını 8,250 mln. avroyadək artırmağı təklif edib. Hazırda layihənin menegeri Teodor Dikmann Bakıdadır. O, "Azərsu" ilə birlikdə kredit müqailəsi üzərində işləyir.
Azərbaycan tərəfinin payının 1,250 mln. avro artırılması dövriyyə xərclərinin layihəyə ayrılan investisiyalar hesabına ödənilməməsi üçün təklif olunur. Maliyyə Nazirliyi indiyə qədər dövriyyə xərclərinin hökumətin layihədəki payından (7 mln.avro) ödəməkdə təkid edirdi. Gələcəkdə isə Gəncə və Şəki su şəbəkələrinin xərcləri əhalidən yığılan su pulları hesabına ödəniləcək. Ona görə bank gəlirlilik baxımından su pullarının iki dəfə artırılmasını təklif edir. Lakin bu proses su sisteminin təkmilləşdirilməsilə paralel həyata keçiriləcək. Razılaşdırılmış qrafika əsasən, 2007-ci ildən etibarən tariflər hər il 15-30% artacaq.
Hazırda Gəncə və Şəki əhalisi 1 kub sm. suya görə 100 manat ödəyir.
Bank ekspertinin səfəri mayın 5-nə qədər davam edəəck. Müqavilənin imzalanmasını may ayına planlaşdırılır, lakin bəzi məsələlərin aydınlaşdırılmasına ehtiyac olduğundan bu proses uzana bilər.
4 illik layihənin birinci mərhələsinin dəyəri 54 mln. avro həcmində qiymətləndirilib ki, 37 mln. avro KfW, 10 mln. avro SECO, 7 mln. avro isə Azərbaycan (artırılmadığı halda) təqdim etməlidir.
