Azərbaycan Nəqliyyat Nazirliyinin "Yolnəqliyyatservis" Departamenti Tovuz çayı üzərində yeni körpünün inşası üzrə tender elan edib. Bu barədə Trend ə nazirlikdən məlumat verilib. Layihə Dünya Bankının Gəncə-Qazax avtomobil yolunun yenidən qurulması üçün ayırdığı kredit çərçivəsində maliyyələşdiriləcək. Kredit Beynəlxalq İnkişaf Assosiasiyasının standart şərtləri əsasında $40 mln məbləğində ayırılıb.
Tender çərçivəsində iki müqavilənin bağlanması nəzərdə tutulur. Layihə 18 ay müddətində gerçəkləşdirilməlidir. Hazırda departament bu layihənin texniki-iqtsadi əsaslandırılmasını başa çatdırıb.
Tender sənədlərinin qəbulu 28 iyun 2006-cı il tarixinədək həyata keçiriləcək. Tenderdə DB-nin şərtləri ilə ziddiyyət təşkil etməyən bütün ölkələrin şirkətləri iştirak edə bilər.
