Azərbaycanın Nəqliyyat Nazirliyi və Asiya İnkişaf Bankı (AİB) Ələt-Astara avtomagistralının rekonstruksiyası layihəsinin hazırlanması üçün $700 min qrant barədə razılaşma imzalayıb. Bu barədə Trend ə bankın Bakıdakı nümayəndəliyindən məlumat verilib. Nazirlər Kabineti sənədin imzalanması üçün nəqliyyat naziri Ziya Məmmədova səlahiyyət verib.
Nümaynədəlikdən verilən məlumata görə, iyunun ortalarında AİB layihənin işlənməsinə cəlb olunmaq üçün konsultantları yekun olaraq müəyyən edəcək. İlkin seçim artıq "şort-list" əsasında edilib. Lakin onun namizədliyi bank təçrəfindən hələ tam təsdiqlənməyib.
AİB Şorsulu-Astara magistralı üçün $100 mln. vəsait ayırmağı planlaşdırır. Layihənin bankın Direktorlar Şurasında 2006-cı ildə imzalanması planlaşdırılıb.
Ələtdən Şorsuluya kimi yolun maliyyələşdirilməsini öz üzərinə götürən Dünya Bankı ilə kredit razılaşdaması bu həftə imzalanıb. Bank layihənin maliyyələşdirilməsi üçün $200 mln. ayırıb.
Bu layihədə 40 mln. dollar vəsait ayırmaq niyyətində olan İran bankının da iştirak edəcəyi gözlənilir.
