Azərbaycan hökuməti Alman Rekonstruksiya Bankına (KFW) Gəncə və Şəkinin su şəbəkələrinin rekonstruksiyası layihəsi üzrə müqaviləni təqdim edib. Bu barədə Trend ə bankın Bakı ofisinin rəhbəri Natiq Abdullayev bildirib. İmzalanma sənədin razılaşdırılmış variantının alınmasından sonra gözlənilir.
Hökumətdən bildiriblər ki, bankın hüquqşünaslarına Azərbaycan tərəfinin təklifinin daxil edildiyi müqavilənin hələ vergi hissəsinin razılaşdırılması qalır. Hökumətdə hesab edirlər ki, müqavilənin belə sürətlə razılaşdırılması onun imzalanmasını da yubada bilər və bu, hətta iyundan sonra baş tuta bilər.
Bankla hökumət arasında su tariflərinin qaldırılması və istifadə olunan su üçün yığım əmsalının artırılması üzrə ziddiyyətlər qalmayıb. Belə ki, bu məsələlər müqavilədən tamamilə çıxarılıb. Tariflərin artırılması su şəbəkələrinin istehsal xərclərinin örtülməsi ilə bağlı hökumətin sərəncamı üzrə aparılır.
Layihənin 3:5-4 il üçün nəzərdə tutulan birinci fazasının dəyəri 54 mln. avro dəyərində razılaşdırılıb ki, bundan da 37 mln. avro (25,85 mln. avro yeni kredit və İmişlidəki analoji işlərdən qalan qalıqdır) KfW təqdim edəcək, 10 mln. avro İsveçrə Dövlət İqtisadi Əlaqələr Katibliyi (SECO) tərəfindən qrant şəklində veriləcək, 7 mln. avro Azərbaycan hökumətinin hesabına ödəniləcək.
