Milli Məclisin payız sessiyasında "Dini etiqad azadlığı haqqında" qanun müzakirəyə çıxarılacaq. Bu barədə Trend ə Milli Məclisin insan hüquqları məsələləri daimi komissiyasının sədri Rəbiyyət Aslanova bildirib.
R.Aslanova onu da bildirib ki, komissiyanın payaz sessiyası planında əsasən "Dini etiqad azadlığı haqqında" qanunun qəbul olunması, gender problemi ilə bağlı qanunun ikinci oxunuşdan keçirilməsi və bəzi qanunvericilik aktlarında əlavə və dəyişikliklərin edilməsi məsələləri salınıb. R.Aslanova qeyd edib ki, "Dini etiqad azadlığı haqqında" qanunun qəbul olunması cəmiyyət üçün önəmli qanunvericilik aktlarından biridir.
Komissiyanın sədri onu da qeyd edib ki, adıçəkilən sənədlər üzərində artıq işlər yekunlaşmaq üzrədir. Sənədlər Milli Məclisin payız sessiyasında müzakirəyə çıxarılacaq. R.Aslanova onu da qeyd edib ki, parlamentin müvafiq komissiyaları ilə birlikdə "Sərbəst toplaşmaq haqqında" qanunun da yenidən müzakirəyə çıxarılacağını bildirib.