"Gələn il Azərbaycanda Dünya Bankı tərəfindən layihələrin qarışıq maliyyələşdirilməsi həyata keçiriləcək. Sosial layihələrə Beynəlxalq İnkişaf Assosiasiyasının, avtomobil magistrallarının yenidən qurulmasının maliyyələşdirilməsi kimi layihələrə isə Beynəlxalq Yenidənqurma və İnkişaf Bankının şərtləri ilə kredit ayrılacaq. Trend in xəbər verdiyi kimi, bu barədə Dünya Bankının Azərbaycanda yeni nümayəndəsi Qreqori Yeceyçak bəyan edib.
Onun sözlərinə görə, hazırda bank dövlət zəmanəti ilə kredit ayırmağı davam etdirmək niyyətindədir. Bank dövlət zəmanəti tələb edən regional layihələrin maliyyələşdirilməsinə daha çox meyl edir.
Q. Yeceyçak qeyd edib ki, 15 ildən sonra Azərbaycanda əhalinin adambaşına düşən ÜDM 4 dəfə artacaq.Nəticədə ölkə konkret şans qazanacaq. Ancaq bununla yanaşı, məsələn, "holland sindromu" kimi böyük risklərlə üzləşmək ehtimalı da böyükdür. Dünya Bankı bu məsələdə Azərbaycana kömək etməyə hazırdır.
