İlin birinci yarısında dövlət büdcəsinin gəlir hissəsinə 1540,6 mln. manat (ÜDM-in 21,5%-i) daxil olub. Bu məbləğ ötən ilin analoji dövrü ilə müqayisədə 68,8% və ya 628,1 mln. manat artıb. Bu barədə Trend ə hökümətdən xəbər veriblər. Dövlət büdcəsinin xərcləri 1446 mln. manat (ÜDM-in 20,2%-i) təşkil edərək, 59,9% (541,6 mln. manat) artıb.
Yanvar-iyun aylarında büdcənin profisiti 94,6 mln. manat olub, bu isə ÜDM-in 1,3%-ini təşkil edir.
Dövlət büdcəsinin gəlir hissəsinin strukturunda 66,7% (1027,1 mln. manat) Vergilər Nazirliyinin hesabına təmin edilib. Vergi yığımları üzrə proqnozun icrası 104,2% təşkil edib. Vergi rüsumları və vergilərdən daxil olmalar 248,2 mln. manat (xüsusi çəkidə 16,1%) təşkil edib və proqnoz 101,9% yerinə yetirilib.
Hesabat dövründə ƏDV-dən 346,2 mln. manat daxil olub, bu ümumi gəlirin 22,5%-ni təşkil edir. Mənfəət vergisi üzrə -193,9 mln. manat (12,6%), gəlir vergisi üzrə -140,7 mln. manat (9,1%), aksiz vergisi üzrə -68,5 mln. manat (4,4%), xarici iqtisadi fəaliyyət vergisi üzrə isə - 135,3 mln. manat (8,8%) daxil olub.
Büdcə vəsaitindən sosial təminata və əhalinin müdafiəsinə ilin birinci yarısında 149,6 mln. manat (10,3%), təhsilə - 212,7 mln. manat (14,7%), prokurorluq, təhlükəsizlik, hüquq-mühafizə, məhkəmə orqanlarının saxlanmasına - 101,6 mln. manat (7%), iqtisadiyyata sərmayə qoyuluşu -441,6 mln. manat (30,5%), mənzil-kommunal xərclərinə - 22,8 mln. manat (1,6%), sənaye və tikintiyə - 277,3 mln. manat (19,2%), kənd, meşə təsərrüfatına, həmçinin balıqçılığa - 64,5 mln. manat (4,5%) sərf edilib. Əmək haqqının, təqaüd və müavinətlərin ödənilməsi üçün ilin birinci yarısında 34% (492 mln. manat) büdcə məsarifi xərclənib.