Agrolizing ASC bölgələrdə növbəti filiallarını (aqrotexservislər) açır. Bu barədə Trend ə ASC-nin lizinq layihələrinin inkişafı və bölgələrlə iş üzrə şöbəsinin müdiri Bəşir Xəlilov xəbər verib. Bu servislər vasitəsilə kənd təsərrüfatı texnikasının lizinq yolu icarəyə verilməsi, bu istiqamət üzrə istehlakçılara texniki xidmətin göstərilməsi təmin olunacaq.
Onun sözlərinə görə, gələn həftə Masallı və Siyəzəndə filiallar açılacaq. Bu istiqamətdə bütün işlər artıq yerinə yetirilib, obyektlər üçün yerlər ayrılıb. İndiyədək Hacıqabul, Zərdab, Zaqatala, Ucar və Dəvəçidə filiallar açılıb.
Ümumilikdə, dövlət qurumunun Azərbaycan bölgələrində təxminən 50 filialı var. Bunlara həmçinin ASC-nin Şəki, Şamaxı, İmişli, Cəlilabad, Xaçmaz, Yevlax, Gəncədə 7 əsas bazası da daxildir.