2006-cı ilin birinci yarısında ölkə ərazisində fəaliyyət göstərən hüquqi və fiziki şəxslər dünyanın 123 ölkəsi ilə xarici ticarət əməliyyatı həyata keçirilib.Trend Azərbaycan Dövlət Statistika Komitəsinə istinadən xəbər verir ki, bu müddət ərzində xarici ticarət dövriyyəsinin ümumi həcmi 5,0 milyard ABŞ dolları, o cümlədən ixrac 2,9 milyard və idxal 2,1 milyard dollar təşkil edib. 0,8 milyard dollarlıq müsbət xarici ticarət saldosu yaranıb.
2005-ci ilin altı ayı ilə müqayisədə xarici ticarət dövriyyəsinin həcmi 47,9 faiz, o cümlədən ixrac 2,2 dəfə, idxal isə 0,9 faiz artıbr. İxrac-idxal əməliyyatlarının 45,1 faizi AB ölkələri, 23,5 faizi MDB ölkələri, 31,4 faizi digər dövlətlərlə aparılmışdır. Ümumi dövriyyənin 62,8 faizi Avropa, 34,2 faizi Asiya, 2,4 faizi Amerika, 0,5 faizi Afrika qitəsi ölkələrinin, 0,1 faizi Okeaniyanın payına düşüb.
Xarici ticarət əməliyyatlarının beşdə dörd hissəsindən çoxu (80,7 faizi) İtaliya, Rusiya, Türkiyə, İsrail, Birləşmiş Krallıq, İran, Almaniya, Gürcüstan, Qazaxıstan, Ukrayna, Çin, Koreya Respublikası, Amerika Birləşmiş Ştatları və Rumıniya dövlətlərinin hesabına formalaşıb.