Azərbaycanın Hesablama Palatası 2004-2005-ci illər və 2006-cı ilin birinci yarısı üçün nəzərdə tutulmuş "Təhsil üçün xərclər" hissəsi üzrə dövlət büdcəsindən bu quruma ayrılmış vəsaitlərin proqnozlaşdırılması və istifadəsi ilə əlaqədar Azərbaycanın Təhsil Nazirliyində keçiriləcək auditi sentyabr ayına keçirib. Bu barədə Trend ə HP-dən bildiriblər.
Sentyabr ayının birinci yarısına planlaşdırılan auditin əsas məqsədi büdcədən nəşr edilmiş tədris vəsaitlərinə ayrılmış vəsaitlərin istifadə olunma vəziyyətinin yoxlanmasından ibarətdir.
Hazırda HP Qaçqın və məcburi köçkünlərlə iş üzrə Dövlət Komitəsində və ölkənin Nazirlər Kabineti yanında Məcburi köçkünlərin sosial inkişaf fondunda Dövlət Neft Fondunun qaçqın və məcburi köçkünlərin sosial -kommunal, eləcə də onların yerləşdirilməsi məsələlərinin həllinə yönəldilmiş vəsaitlərindən istifadə üzrə keçirilmiş auditi başa çatdırıb.
Yekunlar yaxın vaxtlarda açıqlanacaq.